يااااااااااااااااااااه تم بحمد الله
والله انا مش مصدقة نفسى انى غيرت ستايل البلوج
اصل انا من ساعة ماعملتها وانا بتفرج على بلوجات الناس من حواليا بحس انى جاية من العصر الحجرى
او جاية راكبة الناقة مثلا والناس كلها راكبة عربيات فور باى فور
وكنت هموت واعرف الناس دى بتغير شكل البلوج بتاعتهم ازاى منا قلبت مليووون مرة ملقتش غير اربع اشكال ستاندرد جدااا ومفيش بينهم اى اختلاف
وبعد كفاح دام 4 ساعات وانا بحاول اكتشف ازاى ممكن اغير ستايل البلوج
اكتشفت انى المفروض انا اللى ادور على الستايل اللى يعجبنى واجيبه وبعد ماوصلت للخطوة المتقدمة دى (الله اكبر عليا عرفتها لوحدى مش عايزة قر.. ها) لاقيت نفسى معايا الكود ومش عارفة احطه فين بس الحمدلله ربنا كبير بالصدفة وانا بقلب لاقيت مكان كده فيه كود شبه اللى معايا قولت يلا بئا اجرب حظى توكلت على الله وروحت لاطعة الكود اللى معايا وعملت سيف وطلعت اجرى .. طيب وبعدين منا لازم ادخل اشوف ايه اللى حصل شجعت نفسى ودخلت اشوف اثار اختراعاتى الجهنمية اللولبية والحمدلله لاقيت الستايل القديم راح وراح معاه كل التعديلات اللى كنت عاملاها .. اللهم لا اعتراض طبعا منا اللى جبته لنفسى .. بس المرة دى بئا كنت عارفة طريقي والحمدلله عرفت ارجع كل حاجة مكانها ولولا ان الساعة 6 ونص الصبح والناس نايمة كنت فقعتلى زغروتين حلوين كده (والحمدلله ان الناس نايمة لانى اصلا مبعرفش ازغرت) وهيييييييييييييييييييييه بئا عندى ستايل جديد
قولولى بئا ايه رأيكم ..
هناك 8 تعليقات:
اول مرة اجى عندك
مبروك على الاستايل
معليس تغير الاستايل متعب شوية
بس ذوقك حلو
بالتوفيق يارب
ستايل أمور قوي
أنا كمان لسه مغيراه قريب
ورغم ان اختك مبرمجة أد الدنيا(مش أد الدنيا قوي يعني) بس كنت اكسل من الكسل اني اغير او اعدل او اعمل اي حاجه
بس الحمد لله قمنا بحملة التغيير
:)
بس بجد ستايل البلوج بتاعك عسول خالص
والأهم من ده ان المضمون كمان حلو
:)
استايل رائع فعلا
يلا خليكى جدعه
واكتبيلنا بوست
عرفينا فيه الطريقه
رحتى فين
وجيتى منين وكدا يعنى
تحياتى
احمد
--> نهر الحب
ــــــــــــــــ
اااه والله يا نهر متعب جدا جدا ده غير انه كله مفاجأت مش هانسى ابدا شكلى لما لاقيت كل الالحاجات اللى كنت ضايفاها فى الصفحة راااااحت أصابتنى حالة من الازبهلال مصاحبة بنوع من العبط .. بس انا مبسوطة اوى برأيك وابقى كررى الزيارة بئا
ojg
ـــــــــ
الحمدلله ان حملة التغيير تمت على خير .. بس يا وزتى بئا بما انك مبرمجة أد الدنيا فانا هالجألك كتير با بعد كده هههههههههه .. هيييييييه هييييييييه تانى صوت اهو فى صالح الستايل الجديد 2-0 ايوة كده علشان ميجيليش احباط
--> احمد سكر
ـــــــــــــ
تصدث فكرة برده .. اهو انقلكم خبرتى الفولاذية فى مجال تغيير الستايل بس اللى البلوج بتاعه يبوز منه بعد مايسمع نصايحي انا مش مسئولة خالص (ولا اعرفكم) اصل انا طول عمرى أصيلة فى الحاجات دى اى حاجة تحصل اطلع اجرى علطول .. وكده النتيجة بقت 3-0 الحمدلله
اول مره جيه عنداستايل حلو اوي مدونتك جميل
عاشقة القمر من السودان
--> عاشقة القمر
ــــــــــــــــــــ
يا اهلا بيكي وبأهل السودان كلهم .. والحمدلله كده وصلنا لـ 4-0 يارب نوصل 35-0 علشان يبئا ولا مباريات البلى مسافات طويلة
إرسال تعليق