فى مسلسل تليفزيونى حصلت ظاهرة هى الاولى من نوعها
واكيد فقط وحصريا عندنا احنا بس
فى اول لقطة من المشهد ظهر البطل لابس نظارة نظر
وفى اللقطة اللى بعدها من نفس المشهد من غير نظارة
وفى اللقطة الثالثة بئا لابس النظارة
شوف ازاى .. سبحان الله يعنى
مع انه لا خرج من المشهد ولا دخل
ولا شوفناه وهو بيلبس النظارة ولا وهو بيقلعها
ورغم ان المشهد مليان ممثلين
ده غير كاست الاخراج والناس اللى واقفه فى البلاتوه
الا ان محدش فيهم قاله
خد بالك من النظارة يا استاذ!
واكيد فقط وحصريا عندنا احنا بس
فى اول لقطة من المشهد ظهر البطل لابس نظارة نظر
وفى اللقطة اللى بعدها من نفس المشهد من غير نظارة
وفى اللقطة الثالثة بئا لابس النظارة
شوف ازاى .. سبحان الله يعنى
مع انه لا خرج من المشهد ولا دخل
ولا شوفناه وهو بيلبس النظارة ولا وهو بيقلعها
ورغم ان المشهد مليان ممثلين
ده غير كاست الاخراج والناس اللى واقفه فى البلاتوه
الا ان محدش فيهم قاله
خد بالك من النظارة يا استاذ!
فى مسلسل تانى بئا البطل لابس باروكة على راسه
ال يعنى خلاص هى دى اللى هاتصغره 15 ولا 20 سنة
الباروكة دى برده هى الاولى من نوعها
لانها اول باروكة متحركة فى العالم كله
فى مشهد تلاقيها فوق حواجبه يادوب مفيش بتاع 20 سم
وفى مشهد تانى تلاقيها فوق حواجبه ب 50 سم
وسمعت انها على اخر رمضان هاتنور
وفى مسلسل تالت بئا ظهر بطل من ابطاله
فى دور واحد يهودى من رجالة المافيا
ولابس باروكة شيك موت تحس انها شبه فروة الخروف
الجميل بئا ان شنبه اللى مركبه واللى ناحية فيه اطول من ناحية
كل مايتكلم تحس انه قرب يطير من وشه
وجارى البحث عن اللئيم اللى خلص اللزق اللى لزقوا بيه الشنب
وفى نفس المسلسل التالت ده واللى المفروض ان احداثه فى السبعينيات
ظهر البطل وهو بيشغل شريط فيديو
والفيديو بئا موديل التسعينيات ان مكنش موديل 2008
ولا يمكن علشان هو طالع راجل واصل يعنى
ومحدش هيسبقه المرة دى على حد قوله فى تتر المسلسل
فجابوا له فيديو مخصوص من المستقبل!!
فى برنامج تليفزيونى هو الاول والاخير من نوعه
استضافت لميس الحديدي حنان ترك
انا مكنتش متباعة الحلقة كلها
لكن لسوء حظى وانا بقلب فى القنوات
لحقت اخر سؤال فى الحلقة
(وياريتنى ما لحقته)
سألت لميس الحاجة حنان ايه مواصفات الدور
اللى ممكن تقبله بعد الحجاب
وكانت اجابة الحاجة حنان بالحرف الواحد
"لو السيناريو اللى انا مرشحة له اتعرض على حبيبي رسول الله
وقراه وقال لو عملتيه تبقى من أمتى .. هاعمله بكرة الصبح"!!!
حظها بئا انى بكتب دلوقتى وانا صايمة
فمش هاعرف اعلق على كلام ستنا الحاجة لان اى كلام هاقوله
هايفطرنى وانا مش مستعدة افطر عليها
وفى برنامج تانى فريد من نوعه برده
استضافوا منى عبد الغنى وسألوها
عن شكل الفنانة المحجبة ومظهرها الاسلامى
فأكدت الحاجة منى ..
(على فكرة الحاجة منى والحاجة حنان ده مش معناه انهم حجوا ولا حاجة)
علشان محدش يفهم غلط بس..
وكانت اجابتها على السؤال ان لازم يكون مظهرها عصرى
وتلبس حاجة مبهجة
ولو ان حد من الصحابة كان موجود فى الزمن ده
كان هايبئا معاه احدث موبايل وعربية ولابس اشيك ملابس
استغفر الله العظيم هى الناس دى ايه!!
اللهم انى صائمة
وعجبى ...
هناك 6 تعليقات:
انا هعلق على على الممثلات المحجبة الفنان فعلا الى تتحجب يجب عليها عدم الظهور تانى وياريت مفيش حد يتكلم عن رد فعل الصحابة لو كانوا عايشين فى العصر الحالى كل واحد يتكلم عن نفسه فقط اما موضوع الممثلة تتحجب وترجع تمثل تانى انا معترض عليه نهائى واهم حاجة اخلاص النية اسف على الاطالة
والله يا عمرو سواء رد الست منى او الاخت حنان فالاتنين فى نظرى ردهم فيه تطاول كبير جدا..واحدة تقول لو عرضوا السيناريو على الرسول (ص) استغفر الله العظيم يعنى والتانية تقولك الصحابة كانوا هايمسكوا موبايلات .. يعنى الاتنين فى منتهى البجاحة والانحطاط وده اقل ما يقال عنهم
يابنتى انتى قاعده للساقطة واللقطة من التليفزيون
طبعا هو مسلسل بتاع محدش هيسبقنى ده انا متابعه وعندك حق بس المشكلة انى بدءت اتخنق وازهق من كتر الملل طول الحلقات نفس المنوال
وعلى فكرة الباروكة قال كدا يهودى يعنى هههههههههههههههههه لو اقرع مش هيبقى يهودى
اما الاخوات المحجبات بقا وهو الرسول كان هيقولها اطلعى ياختى وعلى صوتك ومثلى
اما موضوع موبايل وشيك ممكن نعديها المظهر الحسن من الاسلام مفيهاش حاجة اما الفشخرة لا
تحياتى وصوما مقبولا
-->wanna b a physician
ـــــــــــــــــــــــــــــــــــ
يا دوك طيب اعمل ايه بس منا مش لاقية حاجة عدلة اتفرج عليها ولا فى قصة حلوة ولا فى حبكة درامية فبركز فى المصايب اللى بيعملوها بئا زنبهم على جنبهم .. ولو خدت بالك من بقطة لولوبية زى اللقطات دى ابئا تعالى قولى علشان انزلها فى النشرة اللى جاية
اه المونتاج فيه بلاوى فى المسلسلات فجأة تلاقى الصورة اتقطعت ورجعت او المنتجة باينه
او تلاقى الصورة وقفت وراجت راجعة
لا واجمل حاجة بئا واظاهر انها طلعت موضة السنة دى فى اكتر من مسلسل يجيبوا العربية ماشية فى طريق مثلا تلاقى الطريق ده باين جداااااا انه شغل جرافيكس والعربية عمالة تتهز على الفاضى والمليان واللى بيسوق العربية عمال يدور الدركسيون يمين وشمال يمين وشمال كان انور وجدى ولا حسين صدقى هما الى سايقين .. والمفروض المشاهد المغلوب على امره يقتنع ويسلم امره لله ويعديها زى مابيعدي كل حاجة
إرسال تعليق