“دموع فى حضن الجبل”
ده اسم المسلسل اللى بيقوم ببطولته أحمد عبد العزيز
وبيتعرض دلوقتى فى رمضان
قبل مايبدأ رمضان بئا وفى وسط هوجة الاعلانات
على المسلسلات الجديدة اللى هاتتعرض فى رمضان
كانوا بيعرضوا لقطات من المسلسل اللى يشوفها يقول
ده مسلسل جامد وهايكسر الدنيا
وهايبئا حاجة كده زى “المال والبنون” ولا “ذئاب الجبل”
وشوفت أول حلقة منه بصراحة اتصدمت
أحمد عبد العزيز طالب فى كلية الهندسة فى السنة النهائية
بكالوريوس يعنى والدنيا كلها مستنياه يتخرج علشان يفرحوا بيه
بالزمة ده كلام يدخل العقل
بصراحة انا مقدرتش اتحمل اكتر من 3 حلقات فى المسلسل ده
يعنى واحد عنده فوق الاربعين سنة يطلع طالب جامعى
طيب تيجي ازاااااااى دى ؟! حد يفهمهالى..
لأ وايه كمان .. حتى متكسفش على دمه انه يطلع بالدور ده
يعنى لو مش عايز حد يعمل دوره وهو شاب فى الجامعة
وعايز يقوم بالدور من الجلدة للجلدة زى مابيقولوا
طيب يعمل فترة الكلية دى فلاش باك بالابيض والاسود
او حتى يغير تسريحة شعره او يحلق شنبه
علشان يكون فى تغيير بس
مع انه مهما عمل لا يمكن هانقتنع انه طالب
لكن اهو الواحد يحس انه حاول وعمل اللى عليه
وحاول يغير من شكله شوية علشان يليق بالدور
لكن ده شكله زى ماهو مغيرش اى حاجة
زى مايكون بيمثل بلوى الدراع
او ماسك على المشاهدين ذلة مثلا
والله انا لو مكنتش شوفت المسلسل ده من اول حلقة
وجيت فتحت التلفزيون فى مرة شوفت شكله وهو ماسك الكشكول
ورايح على الكلية الصبح كنت قولت ده برنامج الكاميرا الخفية
وان ده مقلب ودلوقتى يطلع راجل من ورا الكاميرا
ويقوله:( لو قولت ذيييع هانذيييع لو قولت منذيعش مش هانذيييع )
مش عارفة ليه بيتعاملوا مع المشاهد على انه متخلف عقلياً
حتى المسلسلات مبقتش بتحترم عقولنا وبتستخف بينا
وانا متاكده ان ده مش رأيي لوحدى وان ده اكيد رأى ناس كتير زيى
استفزهم منظر احمد عبد العزيز وهو ماسك الكشكول والمسطرة
ورايح الكلية الصبح وقاعد على الكافيترا مع حبيبته نيرمين الفقى
اللى برده مش مقنع ابدا انها تكون طالبة فى الجامعة ..
والمفروض كانوا يسموا المسلسل ده
“دموع فى حضن الهبل”
ده اسم المسلسل اللى بيقوم ببطولته أحمد عبد العزيز
وبيتعرض دلوقتى فى رمضان
قبل مايبدأ رمضان بئا وفى وسط هوجة الاعلانات
على المسلسلات الجديدة اللى هاتتعرض فى رمضان
كانوا بيعرضوا لقطات من المسلسل اللى يشوفها يقول
ده مسلسل جامد وهايكسر الدنيا
وهايبئا حاجة كده زى “المال والبنون” ولا “ذئاب الجبل”
وشوفت أول حلقة منه بصراحة اتصدمت
أحمد عبد العزيز طالب فى كلية الهندسة فى السنة النهائية
بكالوريوس يعنى والدنيا كلها مستنياه يتخرج علشان يفرحوا بيه
بالزمة ده كلام يدخل العقل
بصراحة انا مقدرتش اتحمل اكتر من 3 حلقات فى المسلسل ده
يعنى واحد عنده فوق الاربعين سنة يطلع طالب جامعى
طيب تيجي ازاااااااى دى ؟! حد يفهمهالى..
لأ وايه كمان .. حتى متكسفش على دمه انه يطلع بالدور ده
يعنى لو مش عايز حد يعمل دوره وهو شاب فى الجامعة
وعايز يقوم بالدور من الجلدة للجلدة زى مابيقولوا
طيب يعمل فترة الكلية دى فلاش باك بالابيض والاسود
او حتى يغير تسريحة شعره او يحلق شنبه
علشان يكون فى تغيير بس
مع انه مهما عمل لا يمكن هانقتنع انه طالب
لكن اهو الواحد يحس انه حاول وعمل اللى عليه
وحاول يغير من شكله شوية علشان يليق بالدور
لكن ده شكله زى ماهو مغيرش اى حاجة
زى مايكون بيمثل بلوى الدراع
او ماسك على المشاهدين ذلة مثلا
والله انا لو مكنتش شوفت المسلسل ده من اول حلقة
وجيت فتحت التلفزيون فى مرة شوفت شكله وهو ماسك الكشكول
ورايح على الكلية الصبح كنت قولت ده برنامج الكاميرا الخفية
وان ده مقلب ودلوقتى يطلع راجل من ورا الكاميرا
ويقوله:( لو قولت ذيييع هانذيييع لو قولت منذيعش مش هانذيييع )
مش عارفة ليه بيتعاملوا مع المشاهد على انه متخلف عقلياً
حتى المسلسلات مبقتش بتحترم عقولنا وبتستخف بينا
وانا متاكده ان ده مش رأيي لوحدى وان ده اكيد رأى ناس كتير زيى
استفزهم منظر احمد عبد العزيز وهو ماسك الكشكول والمسطرة
ورايح الكلية الصبح وقاعد على الكافيترا مع حبيبته نيرمين الفقى
اللى برده مش مقنع ابدا انها تكون طالبة فى الجامعة ..
والمفروض كانوا يسموا المسلسل ده
“دموع فى حضن الهبل”
هناك 4 تعليقات:
زى مايكون بيمثل بلوى الدراع
او ماسك على المشاهدين ذلة مثلا
ههههه
والله بحس بنفس الاحساس فى معظم اعمال التليفزيون وعشان كدة نادر اما بتابعة
بس بجد اسلوبك حلو اوى
رمضان كريم
--> Ahmed Al-Sabbagh
الاول عايزة ارحب بيك ..
نورت البلوج ومتبفاش تقطع الزيارات
ههههههههه
..
انت معاك حق الموضوع ده اتكرر فى كذا عمل فنى .. بس المرة دى كان مستفز ولا يطاق بصراحة .. يعنى فاق كل حدود الصبر اللى الواحد ممكن يصبره على مسلسل فى الدنيا .. هو اخره معايا كان 3 حلقات بس سمعت انه فضل طالب لحد الحلقة الثامنة مثلا .. علشان كده انا حمدت ربنا انهم كانوا تلاتة بس اللى شوفتهم والا كان جالى شلل اطفال
خالد صالح برضوة طلع كدا بس غير شوية شكلة وكدا اينعم مش اوى برضوة بس اهو يعنى كانوا حلقتين تلاتة وعدوا
اما الاخ احمد بجد انا لما شوفت كدا قعدت اضحك اضحك واقول غيروا القناة بسرعة قبل ما اموت
وبينى وبينك كل المسلسلات مش تشجع اصلا على حاجة بلا وكسه دراما اية ونيلة يلا اذا كان فيفى عبده بقيت مؤلفه
كل سنة وانتى طيبة
--> wanna b a physician
اها فعلا خالد صالح طالع صغنن برده بس ملحقتش اتغاظ منه يعنى لحق نفسه
اما موضوع فيفي عبده ده عايز توبيك لوحده .. مؤلفة المستقبل عاملة مسلسل ولا كتاب ابلة نظيرة فى الطبخ بس ده مسلسل فى الردح (كيف تتعلمين الردح فى 30 حلقة) مش بتعمل حاجة فى المسلسل غير انها تشمر وتتخانق وتردح .. لا تعبت بصراحة فى التأليف والتمثيل الله يكون فى عونها
إرسال تعليق