كل سنة وانتم طيبين
ووسط اهلكم وحبايبكم معيدين
وبالكحك والبسكوت فطرانين ومتعشيين
وبالبتيفور والغريبة بعد كل اكلة محليين
وبالبومب والصواريخ مصدعين
وبالمراجيح لاعبين ومبسوطين
(ومحدش يقولى كبرنا على المراجيح يا حلوين)
كل سنة وانتو على مدونتى داخلين طالعين
وكل بوست يعجبكم اوام تروحوا عليه معلقين
ومتنسوش قبل ماتخرجوا تكونوا سايبين
العيدية بتاعتى فى الحصالة اللى فوق دى يا شاطرين
هناك 10 تعليقات:
يا سلام على اول تعليق
كل سنه واحنا معيدين
على اجمل اسيره سائلين
ياترى فاكرنا بالكحك
والبسكويت
ولا فاكره العيديه بس
كل سنه وانتى طيبه
وعقبال ما يتفك اسرك
romansy
ــــــــــــــــــــــــ
لا طبعا فاكرة العيدية بس
هههههههههههههههه
رومانسى صاحب اول تعليق واول عيدية تدخل حصالتى .. شوفت بئا يا سعدك يا هناك ده انت دخلت التاريخ من اوسع ابوابه
ويسمع منك ربنا بئا فى موضوع فك اسرى ده مع انى عارفة انه صعب اوى
مفيش حاجه صعبه يا اسيره
طالما فيه امل فى الحياه يبقى لسه فيه حياه
واقدر اقولك
ليه تفضلى فى الاسر اسيرة
طب ماهو ممكن تبقى اميره
تفرحى تملى الدنيا سعاده
وفرحك يكبر ليله ورا ليله
كل سنه وانتى طيبه
كل سنة وانتى طيبة
بس العيدية بقا لما تكبرى وتتخرجى هههههههههه
اه بالمناسبة مش كبرنا على المراجيح
بس مفيش حد يروح معانا
كلام جميل كلام معقول مقدرش اقول حاجة عنه
بس تعرف يا رومانسى ساعات مش بيكون بايدينا يعنى الاسر بنلاقى نفسنا فيه غصب عننا ومهما حاولنا نخرج منه مش بنعرف
على فكرة انا اسمى ده مش جاى من يأس ولا احساس بالقهر بالعكس الاسم ده كان اسم بطلة سلسلة ابتديت فى كتابتها من سنة كده تقريبا وكانت زى ماتقول كده حلالة العقد مش بتسيب مشكلة غير لما تلاقى لها حل
ان شاء الله لما انزل الموضوعات دى هاتفهم قصدى بس خليك انت متابع معايا
المهم بئا مش تتوه الموضوع علشان تهرب من العيدية .. نووو واااى انا مش هانسى
كل سنة وانتي طيبة
وانا حطيت لك ربع جنية
هههههههههههه
عيد سعيد عليكي وعلي الامة الاسلامية كلها يا اسيرة
وربنا معانا
تحياتي
ودومتي بخير
انا مش ليا دعوة
جيتي المدونة عندي ومش سيبتيلي عيديتي
أسيبلك أنا ليه ياختي
وبعدين هاتي البالونة الحمرا
دي
ايوووه دي
دي بتاعتي
يا ماماااااا
مش ليا دعوة انا اللي هركب العجله لوحدي
امشي يا وحشة
ههههههههههههههه
كل سنة وانتي طيبة
:)
wanna b a physician
ــــــــــــــــــــــــــ
وانت طييييييييب يا دوووووووك
بس انا لسة هاستنى لما اتخرج علشان اخد العيديه تيب هاجيب البومب والصواريخ ازاااااى
Abd-Alrahman
ـــــــــــــــــــــــــ
كل سنة وانت طيب
وميرسى على العيدية انت اول واحد يجبر بخاطرى فى العيد
ربنا يخليك ويكتر لك العيديات يااااااارب
ojg
ــــــــــــــــــــ
ياوزتى منا جيت علشان اقولك تعالى سيبيلي العيدية
بصى تيب احنا نتفق اتفاق كل واحدة فينا تحوش فى الحصالة كل العيديات طول العيد وفى اخر يوم نحط اللى فى حصالتى على اللى فى حصالتك ونقسمهم بالنص
هههههههههههههههههههههه
كل سنة وانت طيبة يا وزتى
إرسال تعليق